“გარწმუნებთ, რომ 43%-ის გადალახვა „ქართული ოცნებისთვის“ ნამდვილად არ იქნება რთული”

პარლამენტის ვიცე-სპიკერის, არჩილ თალაკვაძის განცხადებით, “ქართული ოცნებისთვის” თვითმმართველობის არჩევნებზე 43%-ის გადალახვა რთული არ იქნება.

მისივე თქმით, “ოცნების” მიზანი არა ბარიერის გადალახვა, არამედ იმ პროექტებია, რასაც პარტია ახორციელებს.

„ჩვენი მთავარი მიზანი პროცენტის გადალახვა კი არაა, ჩვენი მთავარი მიზანია, რომ განვაგრძოთ ის სამუშაო და პროექტები რომელსაც ვახორციელებდით და რომელიც გვაქვს დაგეგმილი. მე გარწმუნებთ, რომ 43%-ის გადალახვა „ქართული ოცნებისთვის“ ნამდვილად არ იქნება რთული გამოწვევა. მე მჯერა, რომ ჩვენს მხარდამჭერებთან ერთად დამაჯერებლად გავიმარჯვებთ. გაცილებით მაღალი იქნება ნდობა ვიდრე 43%“, – განაცხადა თალაკვაძემ “იმედის” ეთერში.