მამუკა მდინარაძე ხატია დეკანოიძეს დაუპირისპირდა

„თქვენ წარმოადგენთ იმ პოლიტიკურ ძალას, რომლისგანაც ზიზღის კამპანიაზე საუბარი ამორალურია. თქვენ ვერ ამჩნევთ თქვენი ტელევიზიის დირექტორის დედის გინებას პირდაპირ ეთერში, თან ძალიან ფართო სპექტრის მიმართ, მაგრამ ამჩნევთ ვიღაცის გაკრულ პლაკატს, რომელიც ერთ დღეში იდენტიფიცირებულია, თავადაც აცხადებს ამას, ოღონდ ახლა რაც არ უნდა მოხდეს, რადგან ასე გაწყობთ, თქვენი ეს ნეგატიური პიარი უნდა მიემართოს კახა კალაძისკენ. ვიღაც რაღაცას იზამს, თქვენ ამბობთ, რომ ეს კალაძემ ქნა“ – განაცხადა „ქართული ოცნების“ აღმასრულებელმა მდივანმა მამუკა მდინარაძემ.
მისი თქმით, ხატია დეკანოიძის 2-3 წუთიან გამოსვლაში იმდენი ტყუილი იყო, რომ მოაშორო, აღარაფერი დარჩება.
„ერთ რამეზე შევთანხმდეთ, ძალადობა დასაგმობი და ცუდია, ზიზღის კამპანია არის ცუდი, ამის საპირისპიროდ ხელი მოვაწერეთ შეთანხმებას პოლარიზაციის დასრულებისთვის, რაც კარგია, მაგრამ თუ ისევ ასე უნდა იყოს საქმის გარკვევა ჩვენსა და თქვენს შორის, რომ ვიღაცამ რაღაც ჩაიდინა, მაგალითად ვიღაც ბნელმა გააკრა პლაკატი, რომელმაც ადრეც გააკრა, ანალოგიური შინაარსის არა პლაკატები არამედ ბანერები წინა არჩევნებზე, კი ბატონო მაგაშიც მოგყვებით, მანქანა რომ კინაღამ დაგაჯახეს და ვიღაცამ შეგაგინათ, იმაზე სამართლებრივი რეაგირება უნდა იყოს თუ არა, ეს ცალკე საკითხია, მაგრამ ეს ტყუილები რომ მოვაშოროთ, მიზეზ-შედეგობრიობაც რომ დაადგინეთ, ბრალიც ისე რომ წაუყენეთ აქ ადამიანებს, განაჩენიც რომ გამოიტანეთ, მიზეზებიც რომ დაადგინეთ თქვენ თვითონ, ზიზღის კამპანიაზე აქეთ რომ გველაპარაკებით, აი ამ მოცემულობას, სიმართლეს თუ დავტოვებთ მხოლოდ და ტყუილებს გამოვაკლებთ არაფერი არ რჩება, და რჩება ის ფარსი, რომელიც თქვენი მხრიდან წლების განმავლობაში შეეთავაზება საზოგადოებას. ეს ძალიან სამწუხაროა. თქვენს პოლიტიკურ ძალას უფლება არ აქვს რომ ჩვენ ზიზღის კამპანიის დასრულებისკენ მოგვიწოდოს იმ ხალხთან, ამ შემთხვევაშიც კი არაფერ შუაში რომ არ არის და იმ ხალხთან, რომლის ხელისუფლების მერიამ ერთ დღეში აღკვეთა და როგორც უნდა მოქცეულიყო, ისე მოიქცა, თავისი დაჯარიმებით. რაც არ უნდა მოხდეს, ბათუმში რომ ადამიანმა ფეხი წამოკრას რაღაცას და დაეცეს, იმასაც კალაძეს დააბრალებთ არჩევნებამდე, ეს გასაგებია, მაგრამ ეს ხომ ასევე ისეთივე ამორალური კამპანიაა როგორც ის კონკრეტული ქეისი და თქვენი კამპანია,რომელიც შექმენით, ისევე როგორც გაყალბებული არჩევნები. ექვსი თვე გასტანა ამ პიარ ნეგატიურმა და ამორალურმა კამპანიამ და დღეს კომისიამ დაადგინა, სადაც არ მიიღეთ მონაწილეობა ბევრი რაღაც, რომლის ერთ ფრაზაშიც ვერ გექნებათ საწინააღმდეგო ობიექტური მოსაზრება“ – განაცხადა მამუკა მდინარაძემ.