აუცილებელია პირბადის სწორად გამოყენების მონიტორინგი როგორც დახურულ, ასევე ღია სივრცეებში – სხვანაირად ამ ვირუსს ეფექტურ პასუხს ვერ გავცემთ, – ამის შესახებ ინფექციონისტმა, ოთარ ჩოკოშვილმა „ქრონიკას“ საქართველოში ეპიდემიოლოგიური მდგომარეობის შეფასებისას განუცხადა.
მისი თქმით, ვაქცინაცია აუცილებელია.
„მთავარი მოთხოვნა არის, რომ შეიქმნას უსაფრთხო სივრცე, ანუ ადამიანთა მასობრივი თავშეყრის ადგილებში უსაფრთხო სივრცის შექმნის მთავარი პირობა ეს არის, რომ ისინი ინფექციის არც გამავრცელებლები იყვნენ და არც მიმღებნი. ასევე აუცილებელია, პირბადის სწორად გამოყენების მონიტორინგი როგორც დახურულ, ასევე ღია სივრცეებში, სხვანაირად, სამწუხაროდ, ამ დაავადებას ეფექტურ პასუხს ვერ გავცემთ, აუცილებელია ყველა ადამიანი ვაქცინაციაში ჩაერთოს“, – განაცხადა ინფექციონისტმა.
კომენტარები