დღეს ჩვენ არ გვაქვს ის საიმედო სიტყვები, რომელიც შეგვიძლია გითხრათ – თქვენ ბრუნდებით საკუთარ სახლებში, – ამის შესახებ ჯანდაცვის მინისტრმა, ეკატერინე ტიკარაძემ გორში, დევნილებისთვის ბინების გადაცემის საზეიმო ცერემონიაზე განაცხადა.
„ადგილი, სადაც ჩვენ ახლა ვდგავართ, 13 წლის წინ იბომბებოდა. ამ ომში ჩვენ არაერთი ღირსეული ქართველი ჯარისკაცი და ძალიან ბევრი მშვიდობიანი მოქალაქე. რა თქმა უნდა, ძალიან სამწუხაროა, რომ ათასობით ქართველი საკუთარ სამშობლოში დევნილად იქცა. დღეს ჩვენ არ გვაქვს ის საიმედო სიტყვები, რომელიც შეგვიძლია გითხრათ – თქვენ ბრუნდებით საკუთარ სახლებში. თუმცა, ჩვენ ყველანაირად ვცდილობთ, რომ ამ დევნილობის პირობებში, სანამ ოკუპანტი ისევ საქართველოს ტერიტორიებზეა, შევამსუბუქოთ თქვენი საცხოვრებელი პირობები და მაქსიმალურად თქვენს გვერდით ვიყოთ“, – განაცხადა ტიკარაძემ.
მისი თქმით, იგი დარწმუნებულია, რომ უახლოეს მომავალში შესაძლებელი იქნება, გახსნან ოკუპაციის საზღვრები და იქ დევნილები დააბრუნონ.