ვახტანგ გომელაური შინდისის გმირებზე – ამ ბიჭებმა, ამ ვაჟკაცებმა ნამდვილად გმირობის ახალი ისტორია დაწერეს

შინდისის ბრძოლა ერთ-ერთი განსაკუთრებული ბრძოლა იყო. ამ ბიჭებმა, ამ ვაჟკაცებმა, ამ გმირებმა ნამდვილად გმირობის ახალი ისტორია დაწერეს საქართველოში“,- ამის შესახებ შინაგან საქმეთა მინისტრმა, ვახტანგ გომელაურმა ჟურნალისტებთან საუბრისას განაცხადა.
მისივე თქმით, 2008 წლის აგვისტო ერთ-ერთი მძიმე იყო გორისთვის, მიმდებარე სოფლებისთვის.
“2008 წლის აგვისტო ნამდვილად უმძიმესი იყო სრულიად საქართველოსთვის, საქართველოს მოქალაქეებისთვის. ერთ-ერთი მძიმე იყო გორისთვის, მიმდებარე სოფლებისთვის, დაკარგული 200-მდე სოფლის მაცხოვრებლისთვის, ვინც დატოვა მამა-პაპისეული სახლი და დევნილებად წავიდა. დაიღუპნენ მოქალაქეები, სამოქალაქო პირები და ჩვენი გმირები, რომლებმაც თავი შეწირეს ჩვენი ქვეყნის ტერიტორიულ მთლიანობას. ერთ-ერთი განსაკუთრებული ბრძოლა იყო შინდისის ბრძოლა. ნამდვილად მძიმეა ამაზე საუბარი, როდესაც მოუსმენ, თუნდაც უყურებ ფილმს, რომელიც გააკეთეს. ძალიან დიდი მადლობა მინდა ვუთხრა რეჟისორს, ყველას, ვინც ეს ფილმი გადაიღო, რაც ამ ბიჭებმა გააკეთეს, შეწირეს თავის ქვეყანას თავი. უმძიმესია, არ არის ადვილად გასაკეთებელი. ამ ბიჭებმა, ამ ვაჟკაცებმა, ამ გმირებმა ნამდვილად გმირობის ახალი ისტორია დაწერეს საქართველოში. ქედს ვიხრი ამ გმირობის წინაშე“,- აღნიშნავს გომელაური.