საქართველოს პრეზიდენტმა შოთა ქარსელაძე 2021 წლის 3 ივლისს თბილისში, მდინარე მტკვარში ადამიანის გადარჩენისას გამოვლენილი სამაგალითო სამოქალაქო თავდადებისათვის, განსაკუთრებული მოქალაქეობრივი პასუხისმგებლობისა და პიროვნული მამაცობისათვის მედლით „სამოქალაქო თავდადებისათვის“ დააჯილდოვა.
საქართველოს პრეზიდენტმა სახელმწიფო ჯილდო შოთა ქარსელაძის დედას, მარინა გარსევანიშვილს გადასცა.
დაჯილდოება ორბელიანების სასახლეში მხოლოდ შოთა ქარსელაძის დის და მეგობრის მონაწილეობით გაიმართა.
36 წლის კაცი მდინარეში გადავარდნილი უცნობი გოგოს გამო გადახტა. გოგო გადარჩა, კაცის ცხედარი კი რამდენიმესაათიანი ძიების შემდეგ მაშველებმა იპოვეს.
კომენტარები