ნაძალადევის რაიონში არბოს ქუჩა N20ა და N20ბ კორპუსებთან გზის რეაბილიტაცია მიმდინარეობს. პროექტის ფარგლებში, 2 000-მდე კვ.მ ფართობზე ასფალტის საფარი იგება, ასევე, მოეწყობა ბორდიური და ტროტუარი.
საგზაო სამუშაოებს ნაძალადევის რაიონის გამგებელი ირაკლი ხელაძე თბილისის საკრებულოს მაჟორიტარ დეპუტატ ალექსანდრე ხუჯაძესთან ერთდ გაეცნო.
„ნაძალადევის რაიონის მასშტაბით, აქტიურად ვაგრძელებთ საგზაო ინფრასტრუქტურის მოწესრიგებას. სანზონის დასახლებაში აღნიშნული კორპუსების მიმდებარე გზის რეაბილიტაციის დასრულების შემდეგ, 100-მდე ოჯახს კეთილმოწყობილი ეზო ექნება“, – განაცხადა ირაკლი ხელაძემ.
არბოს ქუჩაზე ორი კორპუსის მიმდებარედ არსებული გზის შეკეთებისთვის ნაძალადევის რაიონის გამგეობამ ბიუჯეტიდან 60 000-მდე ლარი გამოყო.
კომენტარები