ბოკერიას სახელობის ჰოსპიტალის კლინიკური დირექტორი ალექსი ვაჩაძე აცხადებს, რომ გარდაცვლილი 7 თვის ორსული ქალი ვაქცინირებული არ იყო, რამაც ცუდი როლი ითამაშა.
„თავდაპირველად, შემოსვლისას ის შეფასდა როგორც სტაბილური მიმდინარეობა, მაგრამ ვიცით რა, რომ „დელტა“ შტამი ძალიან აგრესიულია ფეხმძიმე პოპულაციაში, მაინც გადაწყდა, რომ დაგვეტოვებინა პაციენტი ჩვენთან, სამეანო-გინეკოლოგიური განყოფილებაში და დაგვეწყო მისი მკურნალობა ეროვნული პროტოკოლის მიხედვით. დროის განმავლობაში მას გაუჭირდა სუნთქვა, გახდა ჟანგბადდამოკიდებული, 12 აგვისტოს კი დაგვიდგა საჭიროება, რომ დავხმარებოდით ე.წ. CPAP-მეთოდით. ეს არის ხელოვნური ვენტილატორი. რამდენიმე დღით მოხერხდა სიტუაციის დასტაბილურება, თუმცა შემდეგ ის გადავიდა რეანიმაციაში და, დიდი ძალისხმევის მიუხედავად, დასტაბილურება ვეღარ მოხერხდა“, – განაცხადა ალექსი ვაჩაძემ.
თბილისში, კორონავირუსით 7 თვის ორსული გარდაიცვალა. კატასტროფის ბრიგადამ ქალი ბოკერიას სახელობის კლინიკაში კახეთიდან გადაიყვანა.