ამერიკა არის საქართველოს ყველაზე მნიშნელოვანი სტრატეგიული პარტნიორი ქვეყანა, – ამის შესახებ საქართველოს პრემიერ-მინისტრმა გიორგი კვირიკაშვილმა განაცხადა.
როგორც პრემიერმა აღნიშნა, დღეს საქართველო აშშ-სთან საუბრობს შემდეგი 25 წლის პარტნიორობაზე, რაც ასევე მნიშვნელოვანია.
„არ მიმაჩნია სწორად დღეს რაიმე პროგნოზის გაკეთება აშშ-ის საპრეზიდენტო არჩევნებთან დაკავშირებით. ჩვენ მხარს დავუჭერთ ამერიკელი ხალხის არჩევანს. ამერიკა არის საქართველოს ყველაზე მნიშნელოვანი სტრატეგიული პარტნიორი ქვეყანა. ამერიკის მხარდაჭერა ჩვენი სუვერენიტეტისა და საქართველოს დამოუკიდებლობის შენარჩუნების პროცესში იყო სასიცოცხლოდ მნიშვნელოვანი გასული 25 წლის განმავლობაში. დღეს ჩვენ ვსაუბრობთ ამერიკასთან შემდეგ 25 წლის პარტნიორობის თაობაზე, რაც არის ჩვენთვის მნიშვნელოვანი“,-აღნიშნა გიორგი კვირიკაშვილმა.