მახსენდება აგვისტოს ომის ის ტრაგიკული დღეები, როდესაც ჩვენი საცოდავი ხალხი გამოიყვანეს, „მიშა! მიშა!“ აძახებინეს და კონცერტი გამართეს – აი ეს არის ნაციონალური მოძრაობა. ასეთი დიქტატორული რეჟიმი სუფევდა ქვეყანაში. ამ ადამიანებისგან რომელ ჩრდილოვან კაბინეტზეა საუბარი?! არასერიოზულია უბრალოდ, – ამის შესახებ პრემიერ-მინისტრმა, ირაკლი ღარიბაშვილმა განაცხადა.
„მელიას გარანტირებული წაგება აქვს დედაქალაქში, კრიმინალია და სამარცხვინოა, რომ ჯერ კიდევ რჩებიან ასეთი კრიმინალები პოლიტიკაში. ჩვეულებრივი თეატრია, თავიანთ თავებს აჯერებენ, ისე როგორც სააკაშვილმა დააჯერა თავის თავს რომ აქ ჩამოვიდოდა და მოსახლეობა ტაშით დახვდებოდა და ჰქონდა ილუზიები, რომ იქ არ აღმოჩნდებოდა, სადაც აღმოჩნდა და ასეთივე ილუზიებში ცხოვრობენ მელია და სხვები“, – განაცხადა ირაკლი ღარიბაშვილმა.