“რუსთავი 2”-თვის მიცემულ ინტერვიუში, მანანა კობახიძემ მის გარშემო განვითარებულ მოვლენებზე ისაუბრა და განაცხადა, რომ არავითარი წყენა არ გააჩნია.
„შეთავაზება მივიღე, ვადასტურებ, მაგრამ ჩემგან ეს საკითხი არ არის დადასტურებული. კონსულტაციები გრძელდება. არავითარ წყენას ადგილი არ აქვს. ვმუშაობთ ჩვეულებრივ რეჟიმში, ყოველგვარი ქვეტექსტების გარეშე. ჩვენ ვაგრძელებთ მუშაობას ძალიან შემართებით იმისთვის, რომ შეუდგეს პარლამენტი საქმიანობას“, – განაცხადა კობახიძემ „რუსთავი 2“-თან საუბრისას.
არსებული ინფორმაციით, მანანა კობახიძეს ვიცე-სპიკერობიდან ადამიანის უფლებათა დაცვის კომიტეტის თავმჯდომარედ გადანაცვლება არ სურს. მმართველი გუნდის ერთ-ერთი ლიდერი გია ვოლსკიც ადასტურებს, რომ „არის რაღაც პირადი ფაქტორები“, რითაც მანანა კობახიძის ეს პოზიციაა განპირობებული.
კომენტარები