უკრაინის მინისტრთა კაბინეტი მიხეილ სააკაშვილის თანამდებობიდან გათავისუფლების შესახებ განცხადებას ხვალ განიხილავს. ამის შესახებ ჟურნალისტებს უკრაინის ვიცე-პრემიერმა პაველ როზენკომ განუცხადა.
„ამ საკითხს ხვალ, მთავრობის სხდომაზე განვიხილავთ, რადგან პრეზიდენტს სააკაშვილის დათხოვნის წარდგენით მთავრობამ უნდა მიმართოს“, – განაცხადა როზენკომ.
უკრაინული პრესის ცნობით, მან სააკაშვილის გადაწყვეტილების შესახებ კომენტარის გაკეთებისგან თავი შეიკავა.
მიხეილ სააკაშვილმა ოდესის ოლქის გუბერნატორის პოსტის დატოვების შესახებ გუშინ განაცხადა. მანამდე, თანამდებობიდან წასვლის გადაწყვეტილება ოდესის პოლიციის უფროსმა გია ლორთქიფანიძემ მიიღო.
მიხეილ სააკაშვილის ოდესის საოლქო ადმინისტრაციის თავმჯდომარის პოსტს 2015 წლის 30 მაისიდან იკავებდა.
კომენტარები