მთავრობის ადმინისტრაციაში მინისტრთა კაბინეტის სხდომა მიმდინარეობს. დღევანდელ სხდომაზე მთავრობა „ღია მმართველობის პარტნიორობის“ ფარგლებში საქართველოს 2016-2017 წლების სამოქმედო გეგმას დაამტკიცებს. განსახილველ საკითხებს შორისაა, ასევე, საქართველოს მთავრობის განკარგულების პროექტი ზოგიერთი მეწარმე სუბიექტისთვის მაღალმთიანი დასახლების საწარმოს სტატუსის მინიჭების თაობაზე. გარდა ამისა, მთავრობის დღევანდელ სხდომაზე მუნიციპალური განვითარების ფონდის მიერ განსახორციელებელ ღონისძიებებზე იმსჯელებენ. კერძოდ, იგეგმება სოფელ წეროვანის საბავშვო ბაღთან მისასვლელი საავტომობილო გზის და ზესტაფონის მუნიციპალიტეტში, წმინდა გიორგის სახელობის მამათა მონასტერთან მისასვლელი გზის რეაბილიტაცია.
კომენტარები