კოვიდი გადავიტანე. სამშობიაროს მერე საავადმყოფოში არასდროს ვყოფილვარ და შესაბამისად, შორიდან ვუხდიდი მეც მადლობას მედპერსონალს, რადგან შორიდან ვხედავდი მათ თავდადებას, – ამის შესახებ „მოქალაქეების“ ლიდერმა, ალეკო ელისაშვილმა განაცხადა.
მისი თქმით, მედპერსონალი გულითად მადლობას იმსახურებს.
„კოვიდსასტუმროში ვიყავი ათი დღე. რესპუბლიკურში ვიყავი ერთი ღამე და ერთი დღე. ვნახე არანორმალური, ადამიანურ ძალისხმევას და შესაძლებლობას რომ სცდება ისეთი შრომა, ეს რა ხალხი ყოფილა. აღმოვაჩინე ნამდვილი გმირები. თუ ვინმე გმირია და თუ ვინმეზე შეიძლება ითქვას, რომ გმირობას სჩადიან, ეს არის მედპერსონალი, სანიტრებიან, ექთნებიან, ექიმებიანად. თან რაც მთავარია, ეს ზღვარი მათ აქვთ წაშლილი, სანიტრის საქმეს აკეთებს ექიმი, ექიმის საქმეს ლამის აკეთებს სანიტარი. განიცდიდნენ თითოეული ადამიანის ჯანმრთელობის გაუარესებას და გაუმჯობესებას, პატარა ბავშვებივით უხაროდათ ვინმეს სატურაცია თუ აეწეოდა, ვინც აპარატზე იყო შეერთებული. ცრემლები მადგება ისე ვიყავი, უბრალოდ ფიზიკურად არ მქონდა შესაძლებლობა თორემ ლამის ტირილით მოვკვდი, რომ ვუყურებდი ნამდვილ გმირებს ამ ქვეყნის და კარგი იქნება, ვიცი რომ მათ ჯამაგირი და დანამატები აქვთ, მაგრამ საახალწლოდ თუ ვინმეს პრემიები უნდა მისცეს სახელმწიფომ არის ეს ხალხი ზუსტად“, – განაცახადა ელისაშვილმა.