გიორგი კაპანაძე, მიხეილ სააკაშვილის გუშინდელ სასამართლო პროცესთან და კონკრეტულად პროკურატურის მხრიდან ედუარდ სააკაშვილის სწავლის სახელმწიფო ბიუჯეტიდან დაფინანსების ბრალდებასთან დაკავშირებით, ერთ ისტორიას იხსენებს.
„მიშას პრეზიდენტობის დროს, ერთხელ, ედუარდ სააკაშვილი ანაკლიის პატრიოტთა ბანაკში წავიდა – ასე გადაწყვიტა.
ჰოდა, მიშამ თავად დაურეკა ერთ კარგ ადამიანს, მაღალი თანამდებობის პირს, რომელიც მათ შორის ახალგაზრდულ საკითხებს კურირებდა და უთხრა, პირადად გაეკონტროლებინა რომ მისი შვილი პრივილეგირებულ მდგომარეობაში არ ჩაეყენებინათ.
გვერდით ვედექი მას და ზუსტად ვიცი ეს ამბავი. და ასეც მოხდა. ერთი კვირა მთელი საქართველოდან ჩამოსულ ბავშვებთან ერთად ცხოვრობდა პრეზიდენტის შვილი და ზუსტად ისეთივე “პრივილეგიებით” სარგებლობდა, როგორც სხვა ახალგაზრდები.
თითქოს არაფერი, მაგრამ სხვებისგან გახსენდებათ იგივე მაგალითი?
ამიტომ, ამ თემაზე, წარმოდგენა არ უნდა ჰქონდეს ადამიანს რომ თქვას, სააკაშვილი თავის შვილს პრივილეგიებს ანიჭებდაო.
გარტყმაში არ უნდა იყოს,“- წერს გიორგი კაპანაძე.