“წლებია ვიძახით ნაციონალები დამნაშავეები არიან, ნაციონალებმა არია ქვეყანა… მაგრამ ერთ რამეს ვერ ვხვდებით, იმ არეულის დალაგება მარტო ამრევს თუ შეუძლია და არავის სხვას,”- წერს სოციალურ ქსელში მალხაზ მაჩალიკაშვილი.
მაჩალიკაშვილი „ქართულ ოცნებას“ კრიტიკული ბრალდებებით მიმართავს და ხელისუფლების დატოვებისაკენ მოუწოდებს.
„ქართულ ოცნებას“ და მის ქვეშევრდომებს მინდა მივმართო, თქვენ არც დამლაგებლები ხართ, არც ამრევები, თქვენ საერთოდ არაფრის შნო და თავი არ გაქვთ, გარდა იმისა, აწარმოოთ ბინძური პროპაგანდა, მუდამ ტყუილებში აცხოვროთ მოსახლეობა, შექმნათ თქვენს გარშემო რუსული წყაროების ძალები, როგორიცაა „ალტ ინფო“ და სხვა მსგავსი, ესაუბრო რუსული ძალების იმედით ქვეყნის მოსახლეობას აგდებულად ზიზღის და სიძულვილის ენით… თქვენ ის ძალა ხართ, რომელი ძალაც პოლიციას ფარად იყენებთ. თქვენ ის ძალა ხართ, რომელიც ბიძინამ მოგისყიდათ თავისი რუსული წარმომავლობის ფულით, გაგრიათ სიბინძურეში, ამოგსვარათ უსამართლობის ნეხვში და ყარხართ…
მაგრამ მაინც ძალაუფლების გამოყენებით, სისხლში ჩამხრჩვალი სუს-სის მეშვეობით დატერორებით, გაყალბებით, ინარჩუნებთ მიტაცებულ ხელისუფლებას… თქვენი საშველი საბოლოოდ მაინც „ნაციონალური მოძრაობაა.“ მათ თუ შეუძლიათ თქვენს სულში ჩასახული რუსული ეშმაკის განეიტრალება.
კი ეს ასეა, თქვენ თვითონაც კარგად იცით, ბიძინას გარეშე არაფერიც არ ხართ – თქვენი სულის პატრონიც კი… ამიტომ თქვენ უნდა დასრულდეთ რამდენადაც ადრე მით უკეთესი თქვენთვის,“- მიმართავს ხელისუფლებას მალხაზ მაჩალიკაშვილი და იმედს გამოთქვამს, რომ ქვეყნის მართვას „ნაციონალური მოძრაობა“ ჩაიბარებს და სათანადოდ შეძლებს.
„ამ არეულ ქვეყანას კი ისინი დაალაგებენ, ვინც შევარდნაძის მიერ და მანამდე დაქცეული ქვეყნისგან სახელმწიფო შექმნეს.
მართალი გითხრათ, თქვენ ამ 9 წლის განმავლობაში მეტი ზიანი მოუტანეთ ვიდრე შევარდნაძის ეპოქამ. შევარდნაძეს ასე თუ ისე ძალზე მნიშვნელოვანი სერიოზული პროექტები აქვს გაკეთებული სულ რომ არ დავუკარგოთ და უმადურებიც რომ არ ვიყოთ. აი თქვენ კი, „ქართული ოცნება“ სისხლის სუნი აგდით,“- წერს მალხაზ მაჩალიკაშვილი.