Facebook-მომხმარებელი ნინო ფოჩხუა პრემიერ-მინისტრის ირაკლი ღარიბაშვილის 2021 წლის ანგარიშის წარდგენას ეხმიანება – „მართალია, ოპოზიციური ტელევიზიები ღარიბაშვილის დღევანდელ გამოსვლას შებრუნებით აშუქებენ, მაგრამ ფაქტები თავისას ამბობენ“.
„მოვისმინეთ პრემიერის 2021 წლის შემაჯამებელი ანგარიში. მართალია, ოპოზიციური ტელევიზიები ღარიბაშვილის დღევანდელ გამოსვლას შებრუნებით აშუქებენ, მაგრამ ფაქტები თავისას ამბობენ. გამოვყოფ რამდენიმეს, იმ საკითხებს, რომელიც მოსახლეობისთვის ხელშესახები იქნება. მასშტაბური დასაქმების პროგრამა სოციალურად დაუცველი მოსახლეობისთვის, მათი ჩართვა საზოგადოებრივ საქმიანობაში. პენსიების მატება და ყოველწლიური ზრდა, როგორი დაპირებაც იყო. მედიკამენტებზე ფასების რეგულაცია, რაც ძალიან მნიშვნელოვანია ჩვენი მოსახლეობისთვის. ბიზნესის მხარდაჭერა, რაც არის და რაც აქტიურად გაგრძელდება. საჯარო სექტორში ხელფასების 10%-იანი ზრდა, რომელიც მომავალშიც გაგრძელდება. ეს ანგარიში არის ქვეყნის განვითარების ეროვნული ინტერესების გათვალისწინებით, სწორი ხედვა. წარმატებები პრემიერს, მის გუნდსა და ჩვენს ქვეყანას“, – წერს ფოჩხუა.