“არც 7 ნოემბრის, არც სანდრო გირგვლიანის და არც ვალერი გელაშვილის თემაზე, ჩემი თანდასწრებით, დანაშაულებრივი ქმედება არასდროს არ დაგეგმილა” – ამის შესახებ “ტვ პირველს” “ერთიანი საქართველოს” თავმჯდომარემ, ნინო ბურჯანაძემ განუცხადა.
რაც შეეხება საქართველოს მესამე პრეზიდენტის, მიხეილ სააკაშვილის ადვოკატების მოთხოვნას, ოპოზიციის ერთ-ერთი ლიდერი, აღნიშნავს, რომ უფლებადამცველების განცხადება სიურპრიზი იყო:
“ჩემთვის ეს ინფორმაცია სიურპრიზი იყო. მე არავინ დამკავშირებია, არც ადვოკატები და არც სხვა ვინმე და საქმის კურსში არ ჩავუყენებივარ ამ საკითხთან დაკავშირებით. რბილად რომ ვთქვათ, ცოტა უცნარია, ეს ჩემთვის. მე არ ვიძლევი ჩვენებას, როდის უფრო მეტად ვარ გაბრაზებული, ან როდის უფრო ნაკლებად. ვცდილობ, ვიყო ობიექტური. მე ვთქვი, რომ ჩემი თანდასწრებით არცერთხელ, არც 7 ნოემბრის, არც ცხონებული გირგვლიანის და არც ვალერი გელაშვილის თემაზე, ჩემი თანდასწრებით, დანაშაულებრივი ქმედება არასდროს არ დაგეგმილა”- თქვა ნინო ბურჯანაძემ.
საქართველოს მესამე პრეზიდენტის მიხეილ სააკაშვილის ადვოკატები, 2007 წლის 7 ნოემბრის საქმეზე სასამართლოში პარლამენტის იმჟამინდელი თავმჯდომარის ნინო ბურჯანაძისა და გენშტაბის ყოფილი უფროსის ზაზა გოგავას დაკითხვას მოითხოვენ.
“ჩემი თანდასწრებით დანაშაულებრივი ქმედება არასდროს დაგეგმილა”
2021/12/23 23:45:23
კომენტარები
ნანახია: 884 ჯერ