საქართველოს პრემიერ-მინისტრ, გიორგი კვირიკაშვილის განცხდებით, დიასპორის საკითხებში სახელმწიფო მინისტრი გელა დუმბაძე საქმიანობას დიპლომატიურ სფეროში გააგრძელებს.
მისივე თქმით, გელა დუმბაძემ დიდი წვლილი შეიტანა ლევილის საქართველოსთვის დაბრუნებაში იუსტიციის მინისტრთან, თეა წულუკიანთან ერთად.
“ეს იყო მართლაც ისტორიული მოვლენა საქართველოს უახლეს ისტორიაში, როდესაც საქართველოს დაუბრუნდა ლევილის მამული. ასევე აღსანიშნავია, ათობით შეხვედრა საქართველოს დიასპორის წარმომადგენლებთან სხვადასხვა ქვეყნაში. მე თვითონ მქონია ეს ბედნიერება, რომ ემოცია გაგვეცვალა ჩვენი ქვეყნის წარმომადგენლებთან, რომლებიც იმყოფებიან საქართველოსგან ძალიან მოშორებით. უნდა ვთქვა, რომ გელას როლი ამ მიმართულებით იყო ძალიან მნიშვნელოვანი, ვინაიდან პირდაპირ იგრძნობოდა ჩვენი ქვეყნის წარმომადგენლების მობრუნება ჩვენი ქვეყნისთვის. ეს იყო ძალიან დიდი დამსახურება მინისტრის. მინდა ძალიან დიდი მადლობა გადაგიხადოთ”, – განაცხადა გიორგი კვირიკაშვილმა.