დღეს, როცა პანდემია მძვინვარებს და ჩვენი საზოგადოება შეპყრობილია პოლარიზაციის სენით, საქართველო, როგორც არასდროს, საჭიროებს თქვენს მამობრივ მზრუნველობასა და ლოცვას, – ასე მიულოცა დაბადების დღე საქართველოს პრეზიდენტმა სალომე ზურაბიშვილმა ილია ილია II-ს.
„სრულიად საქართველოს კათოლიკოს-პატრიარქს, უწმინდესსა და უნეტარესს ილია II-ს
თქვენო უწმინდესობავ,
გილოცავთ დაბადების დღეს ქართული საზოგადოების სახელით. მთელ მსოფლიოში მიმოფანტული ქართველობა თქვენი ლოცვით ინარჩუნებს რწმენას, სამშობლოს სიყვარულსა და მორალურ პრინციპებს. დღეს, როცა პანდემია მძვინვარებს და ჩვენი საზოგადოება შეპყრობილია პოლარიზაციის სენით, საქართველო, როგორც არასდროს, საჭიროებს თქვენს მამობრივ მზრუნველობასა და ლოცვას.
მრავალფეროვანი ქართული საზოგადოების სახელით გისურვებთ ჯანმრთელობას და მხნეობას.
პატივისცემით და სიყვარულით
სალომე ზურაბიშვილი!“, – ნათქვამია პრეზიდენტის მილოცვაში.