“ჩამოყალიბდით, სააკაშვილი ეკონომიკის განვითარების პროგრამას წერს თუ კვდება? და აღარ დაიწყოთ, “ხალხი ქუჩაში არ გამოდისო”. რატო გამოვა? მალე ვინც გამოსულია, ისიც უკან შევა.” – ამის შესახებ არასამთავრობო ორგანიზაცია “საფარის” ხელმძღვანელი ბაია პატარაია სოციალურ ქსელში წერს.
“არასდროს ჰყოლია დამოუკიდებელ საქართველოს ისეთი ცუდი ხელისუფლება, როგორიც ახლა ჰყავს. და ოპოზიცია?
პ.ს. ადრე მეგონა, პოლიტიკოსები სხვებზე ჭკვიანები იყვნენ, და რომ უბრალოდ მე არ მესმოდა რაღაცეები; თურმე მათ არ ესმით ელემენტარული.” – წერს ბაია პატარაია “ფეისბუქში”.
ცნობისთვის, ნაციონალური მოძრაობის წევრის ეკა ხერხეულიძის განცხადებით, მიხეილ სააკაშვილი უკეთესად გამოიყურება და ჯანმრთელობის მდგომარეობის კუთხით შედარებაც არ შეიძლება იმასთან, რაც ბოლოს გორის ჰოსპიტალში ნახა. მისივე განცხადებით, მიხეილ სააკაშვილი პოლიტიკურად არის ძალიან კარგ ფორმაში – ის წერს ეკონომიკურ პროგრამას.