პანდემიის გამო, ტრადიციული საშობაო ალილო ხალხის მსვლელობის გარეშე განსხვავებულად ჩატარდება.
საპატრიარქოს ინფორმაციით, სამღვდელოება მოსახლეობას მანქანებიდან დალოცავს და ნაკურთხ წყალს ასხურებს. მანქანებით მსვლელობა დღეს, 14:00 საათზე პირველი რესპუბლიკის მოედნიდან დაიწყება და იგი სამების საკათედრო ტაძარში 16:00 საათზე, ქრისტესშობის სამადლობელი პარაკლისით დასრულდება. ტრადიციისამებრ შეგროვდება საჩუქრები და ტკბილეულიც, თუმცა მსურველებს შემოწირულებისა მიტანა 12:00 საათიდან რესპუბლიკის მოედანზე და ყოვლადწმინდა სამების ტაძარში არსებულ ახალგაზრდულ ცენტრში შეეძლებათ.
„სრულიად საქართველოს კათოლიკოს-პატრიარქის ლოცვა-კურთხევით 2000 წლიდან ქრისტეშობის დღესასწაულზე თბილისსა და მთელ საქართველოში ტრადიციული საზეიმო მსვლელობა – „ალილო“ ეწყობა.
ღონისძიება ტარდება საქართველოს საპატრიარქოს მისიისა და ევანგელიზაციის განყოფილების ორგანიზებით.