ინდური კინოს ცნობილი ხმა – მომღერალი, კომპოზიტორი და მსახიობი ლატა მანგეშკარი 92 წლისა გარდაიცვალა. კორონავირუსით გამოწვეული გართულებების გამო, ის გასული კვირის სამშაბათს, მუმბაის ერთ-ერთ კლინიკაში გადაიყვანეს და ინტენსიური თერაპიის განყოფილებაში მკურნალობდა.
მანგეშკარი ბოლივუდის „ოქროს ხანად“ წოდებული 1950-1970-იანი წლების სიმბოლოდ მიიჩნევა.
მას ინდოეთის ბულბულად და მელოდიის დედოფლად მოიხსენიებდნენ.
მისი ხმა ჟღერდა ინდურ ფულმებში – „მაწანწალა“ (Awara -1951), „ბატონი 420“ (Shri 420 – 1955), „ბობი“ (Bobby – 1973), „შურისძიება და კანონი“ (Sholay – 1975)…
1974 წელს მანგეშკარი გინესის რეკორდების წიგნში აღმოჩნდა და აღიარეს ერთადერთ მომღერლად, რომელსაც 25,000-ზე მეტი სოლო, დუეტი და საგუნდო შესრულება ჰქონდა ჩაწერილი.
კომენტარები