მოსკოვსა და პეტერბურგში პოლიცია უკრაინის წინააღმდეგ ომის შეწყვეტის მოთხოვნით გამოსულ მოქალაქეებს აკავებს.
როგორც „ბიბისის“ რუსული სამსახური წერს, სანქტ-პეტერბურგში დაკავებულია 10-მდე ადამიანი, რომლებსაც ხელში ეკავათ პლაკატები „არა ომს“.
„ბიბისის“ კორესპონდენტი ასევე წერს, რომ დაკავებულები არიან მოსკოვშიც. უკრაინასთან ომის მოწინააღმდეგეები პუშკინის მოედანზე გამოვიდნენ. ადგილზე მობილიზებულია პოლიციის მანქანები.
მანამდე, მოსკოვის პროკურატურამ მოქალაქეები გააფრთხილა არასანქცირებულ მასობრივ ღონისძიებებში მონაწილეობის „ნეგატიური შედეგების“ შესახებ.
კომენტარები