ჩერნობილის ზონაში დაფიქსირდა რადიაციის კონტროლის დონის გადაჭარბება.
ამის შესახებ უკრაინის ბირთვული რეგულირების სახელმწიფო ინსპექციის Facebook-ის გვერდზე გამოქვეყნებულ შეტყობინებაშია ნათქვამი.
„რადიაციული მონიტორინგის ავტომატური სისტემის მონაცემები, რომლებიც ხელმისაწვდომია ონლაინ რეჟიმში, მიუთითებს იმაზე, რომ გამა გამოსხივების დოზის კონტროლის დონეები (წითელი წერტილები) მნიშვნელოვანი რაოდენობით არის გადაჭარბებული“, – ნათქვამია ინფორმაციაში.
ამასთან, აღნიშნულია, რომ, ამ ტერიტორიაზე მიმდინარე საბრძოლო მოქმედებების გამო, რადიაციული ფონის ცვლილების მიზეზების დადგენა, ჯერჯერობით, შეუძლებელია.
24 თებერვალს რუსმა სამხედროებმა ჩერნობილის ატომური ელექტროსადგურის ტერიტორია აიღეს.
კომენტარები