მანჩო გიორგობიანი სოციალურ ქსელში პოსტს აქვეყნებს.
“ძალიან აიწყვიტეს ფეისბუქის ლьომებმა და რასაც ვუყურებ აქ, ვინც ნაომარია, სიკვდილისთვის ბევრჯერ ჩაუხედავს თვალებში და აღარაფრის ეშინია, ასეთი ხალხია მომხრე მოზომილი პოლიტიკის, ხოლო ისეთები (კაცისმაგვარები) იბრახუნებენ გულზე ხელს, ომების დროს საკუთარ სამზარეულოს რომ არ გასცილებიან , ან უცხოეთში (რუსეთის ჩათვლით) გაიხიზნენ, აი ასეთი მშიშრები კივიან და წივიან, მთავრობას “ამუნათებენ”, რამის უკანალი მაინც გქონდეთ!..
თვალში მომხვდა ნიკა გვარამიას ყიჟინა, ჰოდა ჩავხედე მის ასაკს, აფხაზეთისთვის ომის დროს იყო 16-17-18 წლის, მაინტერესებს სად იყო, როდესაც ზუსტად მისი ასაკის ბიჭები იხოცებოდნენ იქ და მის სახლს იცავდნენ?! ჩემი რატი კიკაჩეიშვილი და ხულიგანა გვარამიას ოჯახის დაცვაში დაიღუპნენ, ძმები მაზიაშვილები 16 და 18 წლის ტამიშთან იბრძოდნენ, ერთი დაიჭრა აფეთქების დროს და დაჭრილმა კიდევ სხვა დაჭრილი მეგობარი მოიკიდა ზურგზე და გამოიყვანა ( მადლობა ღმერთს ცოცხლები გადარჩნენ) , მაგრამ დანარჩენები ? სპეციალურად ჩამოვთვალე მისხელები, თორემ კიდევ ბევრის გახსენება შემიძლია, ვინ სად იბრძოდა!..
ლიოვიკა აბაშიძე და ირაკლი ამირეჯიბი რომ უშვილძიროდ დაიღუპება სამშობლოსთვის , და მშვილდაძისნაირები, ამ დროს, რუსეთში მასხარაობდნენ КВН – კლოუნები , ეს სამართალია?! რომელი ერთი ჩამოვთვალო ჩემი მეგობრებიდან , 80% იბრძოდა და ეს ხალხია მოზომილი, ზუსტად რომ ვიცი , თუ საჭირო გახდა , სიცოცხლეს მარტივად დათმობენ სხვისი შვილებისთვის თავს გაწირავენ და ვინ იჭაჭება , ვინ ლეწავს კლავიატურას ? ჩვეულებრივი დეზერტირები! ჰო, დეზერტირი ჰქვია , სამ-ოთხჯერ ვიომეთ, ტანკები და ბეტეერები რუსთაველზე და ჭავჭავაძეზე დაგრიხინებდნენ და ვინც ასეთ დროს დაიმალა, ყველა დეზერტირია ჩემთვის და ეხლა ამუნათებენ ირაკლი ღარიბაშვილს? თქვენ ხომ არ გააფრინეთ? რას ამუნათებთ, თუ მოღალატეები არ ხართ?!
2008 წლის ომის დროს მორატორიუმი გამოვაცხადეთ ოპოზიციამ, მიუხედავად იმისა, რომ სააკაშვილმა წამოგვაგო პროვოკაციაზე და მერე მიატოვეს ჯარისკაცები მარტო, რუსეთს დაუტოვა მილიარდობით ღირებულების იარაღი (არ მითხრათ ეხლა, გამოტანა ვერ მოასწრესო!) თუკი რამე შეიარაღება გაგვაჩნდა, ბრძანება გასცა და ერთი ტყვიის უსროლელად დაატოვებინა კოდორის ხეობა, რომელიც 90-იანებში რამდენიმე შეტევითაც ვერ მოგვიგეს, გზა გაუყვანა იქ და აფხაზეთის ავტონომიას მიუხაზა მაგ ნაგავმა! და მაინც იმ დროს ვარჩიეთ გაჩუმება და ეხლა რა ამბავში ხართ ტერიტორიების წამგებები, რა გხეთქავთ გულზე, რომ ოცნება ერთადერთი მთავრობაა, რომელმაც ომს აგვაცილა?! ენები ჩაიგდეთ და კურტუმოები დააყენეთ, მით უმეტეს ისეთებმა, ფაღარათი რომ გემართებოდათ სროლის ხმაზე!
თორემ მე ნამდვილად არაფრის მეშინია და სიამოვნებით შევეწირები თქვენი შვილების მშვიდობას, იარა! სანიტრობაც ვიცი და იარაღის გამოყენებაც გადასარევად ვიცი, მაგრამ ახლა არ არის საბრძოლო ყიჟინის დრო, ჰუმანიტარული დახმარებაც დიდი საქმე იქნება, ლტოლვილების მიღება და სამედიცინო დახმარება …
ისედაც გამხეცებულია პუტინი – или пан, или пропал – მარაზმშია და ისედაც მალე მოგვდგება მალე ჩვენც და მოლდოვასაც! დრო როგორ მოვიგოთ,
ამაზე დაფიქრდით და სამომავლოდ მოვემზადოთ, ეხლა რით ვეომოთ? დანა-ჩანგლით? როგორც ბაქრაძე გვირჩევდა და მთელი მთავრობა წითელ ხიდზე გარბოდა, ეს გავიმეოროთ?!
დააკვირდით ფინეთის პოლიტიკას , 70 წელზე მეტია ქმედითია!., ასჯერ ვთქვი, რომ მანერჰეიმის ნეიტრალიტეტი არის უნიკალური , ეხლა არ არის ქვების სროლის დრო!..
56-შიც დაგვჩაგრა ხრუშჩოვმა , მაგრამ ჩვენმა მშობლებმა ქვეყანა გამოაცალეს და დამოუკიდებლობა გვაჩუქეს 90-იანებში , ჩვენ რას ვაკეთებთ ტერიტორიების დაკარგვის მეტს? ალიევს როგორ უნდა ჰქონდეს ქართველ პოლიტიკოსებზე მეტი ტვინი?!.
მორჩით აქ ფეისბუქზე იარაღის ჟღარუნს და აცალეთ ხელისუფლებას , რომ ქათამივით კი არ წაგვაკლას უკრაინას, არამედ გადაგვატანინოს ეს კრიზისი!.
მეცინება რა, ყველა მახსოვს ვინ რას აკეთებდა ომიანობის დროს , ენები დაიმოკლეთ, თორემ სათითაოდ წამოგაძახებთ თქვენს მშიშრობას რეალურ ომებში!..
ქართველები რომ ვაჟკაცი ერი ვართ, ეს 89-შიც დავამტკიცეთ და 92-94-შიც , წელიწადზე მეტი ვაკავებდით ამ მონსტრს და კიდევ ვიომებთ, როგორც ჩვენი წინაპრები, იყო დრო ხარკსაც იხდიდნენ და დგებოდა დრო ათჯერ მეტ არმიებს ვუგებდით!..
ყველამ მოზომეთ, განსაკუთრებით ტელევიზიებს ეხება , ნუ აძლევთ შემოგრიხინების მიზეზს, უკრაინას სწორედ ნატო-ნატოს ყვირილის გამო დაარტყა, ნატო , რომელშიც ისედაც არ გვიღებდნენ !. არ არის ეხლა უტოპიის დრო, რეალური პოლიტიკაა საჭირო!..
p.s. კატეგორიულად მოვითხოვ მთავრობისგან, დროებით მაინც დააკავეთ პროვოკატორები და ქვეყნის ამრევები, გამოაცხადეთ საგანგებო რეჟიმი!..”