მუსიკოსი გიორგი გვარჯალაძე, რომლის შვილიც რამდენიმე წლის წინ ფანჯრიდან გადახტა, სოციალურ ქსელში პოსტს აქვეყნებს.
“მე კუბოში ვუმღეროდი ლენოს.
პანაშვიდის პარალელურად ჩაწერა მქონდა სტუდიაში, ზოგჯერ მივდიოდი, ზოგჯერ Tornike Gvelesiani მეცვლებოდა.
Nino Katamadze, Papuna Sharikadze, Lasha Deisadze, Tyson D. Jackson და აწ უკვე განსვენებული ჩვენი ძმა Misha Japaridze წერდნენ ალბომს მაგ დროს.
შარშან მიშა რომ დავკრძალეთ, სასაფლაოდან Lenø Records-ში წამოვედით, ცოტა დავლიეთ და ბევრი დავუკარით უკლებლივ ყველა მუსიკოსმა და ახლო მეგობარმა, ვინც იყო დაკრძალვაზე.
ლენოს დაკრძალვა 9 ივნისს იყო, ეს ვიდეო როგორც ხედავთ 10-შია, ანუ მეორე დღეს – ფაქტია ვზივარ პულტთან და ვიწერ მუსიკას. იცით რატომ არ გადავდე ჩაწერა? მივხვდი, რომ უარესად ვიგრძნობდი თავს, თან ტაისონი ამერიკიდან იყო სპეციალურად ჩამოფრენილი ჩასაწერად.
მალევე Sopo Batilashvili-ს კონცერტი იყო ფილარმონიაში. მე ვახმოვანებდი. ასევე ქათამაძის, LOUDspeakers-ის, MokuMoku-ს, მწვანე ოთახის. არის აქა-იქ ფოტოები, სადაც ვტირი ხმის პულტთან კონცერტის მსვლელობის დროს.
მთელი ცხოვრება ვაგროვე და როგორც იქნა სანახევროდ კრედიტით და წყალდიდობის შემდეგ ნოდარ გიორგაძისგან მიღებული ფინანსური დახმარებით, პირველად შევძელი ცხოვრებაში მეყიდა საკუთარი ბინა, მომეწყო ჩემს გემოზე და მალევე ჩემი შვილი გადმოხტა ამ ბინის აივნიდან, მე-7 სართულიდან, დაასკდა მიწას წინასწარ ფეხზე მარკერით გაკეთებული წარწერით I Love You Mom, ადგილზე გარდაიცვალა და დამიტოვა წერილი სადაც მადანაშაულებს მე.
ამის გამო არ გამომირთავს მუსიკა, არ გადამიდია კონცერტები და ჩაწერები, ისევე როგორც არ შემიწყვეტია და არ გადამიდია საკვების მიღება და დაბანა.
ჩემთვის მუსიკა ყველაფერია”