“თბილისმა კარგად იცის, რამხელა უბედურებაა ომი, სახელმწიფო მზადაა უკრაინული ოჯახების მისაღებად და მათ დასახმარებლად”

თბილისის მერიის მედიასთან ურთიერთობის სამსახურის ხელმძღვანელი მანანა თოქმაჯიშვილი სოციალურ ქსელში პოსტს აქვეყნებს.

“თბილისმა კარგად იცის, რამხელა უბედურებაა ომი და საკუთარი სახლის იძულებით დატოვება.
სახელმწიფო მზადაა უკრაინული ოჯახების მისაღებად და მათ დასახმარებლად.
ამასთან, თბილისის მერი, მეგობრებთან ერთად, გამოთქვამს მზაობას საკუთარი სახსრებით დაუდგეს გვერდით უკრაინულ ოჯახებს და უზრუნველყოს ისინი თბილისში საცხოვრებლით.
თბილისის მერია ერთვება ჰუმანიტარულ აქციაში ბიზნესის ჩართულობით, თითოეული თბილისელის თანადგომით.
კიდევ ერთხელ, მადლობა ქართველ დიპლომატებს, უკრაინაში საქართველოს საელჩოს, რომელიც რჩება უკრაინაში და მაქსიმალურად ეხმარება იქ მყოფ ჩვენს თანამემამულეებს და უკრაინელ ხალხს.”