უკრაინის შეიარაღებული ძალების გენერალური შტაბი თავდაცვის მინისტრის – ალექსეი რეზნიკოვის განცხადებას ავრცელებს.
„ბევრი მათგანი, ვინც კიევის აღებას 2-3 დღეში ელოდა, უკვე ჯოჯოხეთშია. იარაღი მაგრად დავიჭიროთ! ჩვენ ვაგრძელებთ წინააღმდეგობას! დიდება უკრაინას!“, – ვკითხულობთ განცხადებაში.
რეზნიკოვი მოსახლეობას რუსეთის მხრიდან დაგეგმილი დეზინფორმაციის კამპანიის შესახებ ავრცელებს.
„არსებული მონაცემებით, რუსი ოკუპანტები უახლოეს მომავალში ფართომასშტაბიანი საინფორმაციო-ფსიქოლოგიური ოპერაციის დასაწყებად ემზადებიან. მისი მიზანია უკრაინელი ხალხისა და უკრაინული არმიის წინააღმდეგობის გატეხვა ტყუილის დახმარებით. გავრცელდება ბევრი ყალბი ინფორმაცია, რომ, თითქოს, უკრაინის სამხედრო-პოლიტიკური ხელმძღვანელობა დანებებას დათანხმდა. სავარაუდოდ, გავრცელდება „ხელმოწერილი დოკუმენტები“, ასევე დამუშავებული ყალბი ვიდეოები. ეს იქნება სიცრუე. გააფრთხილეთ ამის შესახებ ყველა, ვისი გაფრთხილებაც შეგიძლიათ. ბევრი, ვინც კიევის აღებას 2-3 დღეში ელოდა, უკვე ჯოჯოხეთშია“, – ამბობს მინისტრი.