უკრაინის პრეზიდენტის ვოლოდიმირ ზელენსკის განცხადებით, თუ ვინმეს ჰგონია, რომ იმ ყველაფრის მერე, რაც უკრაინელებმა გადაიტანეს, მათ შეეშინდებათ ან დანებდებიან, მან არაფერი იცის უკრაინაზე.
ვოლოდიმირ ზელენსკიმ ახალ ვიდეომიმართვაში განაცხადა, რომ უკრაინის და უკრაინელების განადგურება მრავალჯერ სურდათ, თუმცა ვერ შეძლეს.
“ჩვენი განადგურება იმდენჯერ სურდათ. ვერ შეძლეს. ჩვენ იმდენი გამოვიარეთ! თუ ვინმე ფიქრობს, რომ ამ ყველაფრის გადალახვის შემდეგ უკრაინელები შეშინდებიან, გატყდებიან ან დანებდებიან, მან არაფერი იცის უკრაინაზე და მას არაფერი ესაქმება უკრაინაში.
ჩვენ არ გვაქვს საზღვარი ოკეანიდან ოკეანამდე, ჩვენ არ გვაქვს ატომური იარაღი, ჩვენ არ გვაქვს ნავთობისა და გაზის მარაგი. მაგრამ, ჩვენ გვყავს ჩვენი ხალხი და ჩვენი მიწა,” – განაცხადა ვოლოდიმირ ზელენსკიმ.
კომენტარები