საქართველოს პრეზიდენტმა, სალომე ზურაბიშვილმა და აშშ-ის სახელმწიფო მდივანმა, ენტონი ბლინკენმა სატელეფონო საუბარი გამართეს.
„პრეზიდენტ სალომე ზურაბიშვილს ვესაუბრე და მადლობა გადავუხადე საქართველოს ხალხს უკრაინისადმი მხარდაჭერისთვის და ხაზი გავუსვი აშშ-ის მტკიცე ერთგულებას როგორც უკრაინის, ასევე საქართველოს სუვერენიტეტისა და ტერიტორიული მთლიანობის მიმართ“, – დაწერა ენტონი ბლინკენმა Twitter-ზე.
აღნიშნულ სატელეფონო საუბარს საქართველოს პრეზიდენტი გამოეხმაურა და განაცხადა, რომ საქართველო აფასებს აშშ-ის მტკიცე მხარდაჭერას საქართველოს ტერიტორიული მთლიანობისა და უსაფრთხოების მიმართ ამ რთულ დროს.
კომენტარები