“ისე ჰყვებოდა შვილების დაღუპვას, რომ ცრემლებს ვერ ვიკავებდი, მისი მეუღლე კი გაქვავებული იდგა”

მო­დის ექ­სპერ­ტი დალი ჩი­ტა­ლა­ძე სო­ცი­ა­ლურ ქსელ­ში აფხა­ზე­თის ომის დროს მომ­ხდარ სევ­დი­ან ის­ტო­რი­ას იხ­სე­ნებს. ქალი ჰყვე­ბა, რო­გორ უთხრა შვილმკვდარ­მა დე­დამ, რომ დამ­წვა­რი სახ­ლი­დან ოჯა­ხის ალ­ბო­მის გა­მო­ტა­ნა ვერ მო­ას­წრო და მათი ის­ტო­რია თით­ქოს წა­ე­შა­ლა.

დალი ჩი­ტა­ლა­ძე:

– ამ და­ძა­ბუ­ლი ჟა­მი­ა­ნო­ბის დროს მინ­და მო­გიყ­ვეთ ერთი ის­ტო­რია, რო­მელ­მაც დიდი სევ­და და­მი­ტო­ვა და უკვე თით­ქმის 32 წე­ლია რამ­დენ­ჯე­რაც გა­მახ­სენ­და, იმ­დენ­ჯერ ცრემ­ლე­ბი მახ­რჩობს…. ეს იყო სო­ხუ­მის და­ცე­მის მერე…

უამ­რა­ვი დევ­ნი­ლი მო­ა­წყდა თბი­ლისს… ჩემ­მა ძა­ლი­ან ახლო მე­გო­ბარ­მა მთხო­ვა სა­ტუმ­რო “ივე­რი­ა­ში” უახ­ლო­ე­სი დევ­ნი­ლი ოჯა­ხი და­სახ­ლდა და სურ­სათ-სა­ნო­ვა­გე და აუ­ცი­ლე­ბე­ლი პირ­ვე­ლა­დი დახ­მა­რე­ბის ნივ­თე­ბი ერ­თად მიგ­ვე­ტა­ნა. რა თქმა უნდა, სი­ხა­რუ­ლით დავ­თან­ხმდი და ვეწ­ვი­ეთ დატ­ვირ­თუ­ლე­ბი.

კარი გაგ­ვი­ღო ულა­მა­ზეს­მა შა­ვებ­ში ჩაც­მულ­მა დარ­ბა­ი­სელ­მა ქალ­მა, სევ­დი­ა­ნი ღი­მი­ლით გაგ­ვი­ღი­მა და ბევ­რი მად­ლო­ბე­ბით მიგ­ვი­პა­ტი­ჟა. სა­ტუმ­როს ნო­მერ­ში კი­დევ მისი მე­უღ­ლე და რამ­დე­ნი­მე დევ­ნი­ლი იყო. სა­ზა­რე­ლი ის­ტო­რი­ე­ბი მო­ვის­მი­ნე, ისე ყვე­ბო­და მისი შვი­ლე­ბის და­ღუპ­ვას რომ ცრემ­ლებს ვერ ვი­კა­ვებ­დი, მისი მე­უღ­ლე კი გაქ­ვა­ვე­ბუ­ლი იდგა და ძა­ლი­ან ბევ­რს ეწე­ო­და და არც ერთხელ არ გა­მო­უ­ხე­დია…

კულ­მი­ნა­ცია კი ის იყო რომ, შვილმკვდარ­მა დე­დამ, ბოლო წი­ნა­და­დე­ბა მი­თხრა: ყვე­ლა­ზე დიდი უბე­დუ­რე­ბა იცი რა არის? – სახ­ლი რომ იწ­ვო­და, ვერ მო­ვას­წა­რი რომ ჩემი ოჯა­ხის ფო­ტო­ე­ბის ალ­ბო­მი ამე­ღოო! არც ერთი შვი­ლის და ჩემი ბედ­ნი­ე­რი ცხოვ­რე­ბის ამ­სახ­ვე­ლი არა­ფე­რი დამ­რჩაო. ეს თქვა და გა­მე­ხე­ბულ­მა მა­მა­კაც­მა ისე­თი ტი­რი­ლი და­ი­წყო, მე­გო­ნა კედ­ლე­ბი გას­კდე­ბო­და…

ეს ომის სა­ში­ნე­ლე­ბის ამ­სახ­ვე­ლი ერთი ის­ტო­რი­აა, ახლა როცა უკ­რა­ი­ნას ამ­დე­ნი დევ­ნი­ლი ყავს, ამ­დე­ნი შვილმკვდა­რი დედა, გახ­სე­ნე­ბაც მზა­რავს.

დღეს დე­დის დღეა, ჩემი ლა­მა­ზი დე­დაც დიდ ტკი­ვილს ატა­რებს, სახ­ლი ჩემი დი­ა­ნას და და­თოს ფო­ტო­ე­ბით აქვს მო­ჭე­დი­ლი, სულ საყ­ვე­დურს ვე­უბ­ნე­ბი, რათ გინ­და ამ­დე­ნი ფოტო ერ­თად გა­მო­ფე­ნი­ლი­თქო, ეღი­მე­ბა… მე­ში­ნია არ და­მა­ვი­წყდეს მათი ღი­მი­ლი და მათი გა­მო­ხედ­ვაო… რაც დრო გა­დის კი­დევ უფრო მეს­მის იმ ტრა­გი­კუ­ლი დე­დის დარ­დი, რო­მელ­საც არც ერთი ფოტო არ დარ­ჩა გარ­დაც­ვლი­ლი შვი­ლე­ბის…

ყვე­ლა დედა მინ­და ბედ­ნი­ე­რი იყოს და მათი შვი­ლე­ბის ბედ­ნი­ე­რე­ბით იხა­რონ, დე­დის დღეს გი­ლო­ცავთ…

დალი ჩი­ტა­ლა­ძეს წლე­ბის წინ, 31 წლის ძმა დათო გარ­და­ეც­ვა­ლა. ის თბი­ლის­ში ერთ-ერთი გა­მორ­ჩე­უ­ლი ბიჭი იყო. დალი ჩი­ტა­ლა­ძე მა­შინ ამე­რი­კა­ში ცხოვ­რობ­და და ძმის გარ­დაც­ვა­ლე­ბა და­უ­მა­ლეს, დღემ­დე ვერ პა­ტი­ობს სა­კუ­თარ თავს, რომ გარ­დაც­ვლი­ლი ძმა არ ჰყავს ნა­ნა­ხი.

და­ლის და დი­ა­ნა ჩი­ტა­ლა­ძე წლის წინ გარ­და­იც­ვა­ლა. გარ­დაც­ვა­ლე­ბის მი­ზე­ზი უც­ნო­ბია.