უკრაინის ქალაქებში, ომის და კაცობრიობის წინააღმდეგ ჩადენილ საერთაშორისო დანაშაულზე პირველი ონლაინ შეხვედრა გაიმართა. უკრაინის საგარეო საქმეთა მინისტრმა ბავშვების მკვლელობების და აკრძალული იარაღის გამოყენების გარდა, აქამდე უცნობი, კიდევ ერთი სასტიკი დანაშაულის სახეზე ისაუბრა, რომელსაც უკრაინის ტერიტორიაზე შეჭრილი რუსი სამხედროები სჩადიან.
დმიტრო კულება ამბობს, რომ რუსი ჯარისკაცები უკრაინის ოკუპირებულ ქალაქებში ქალებზე სექსუალურად ძალადობენ.
“ჩვენ მივესალმებით სისხლის სამართლის საერთაშორისო სასამართლოს ინიციატივას, რომ გამოიძიოს მისი იურისდიქციის ქვეშ არსებული დანაშაული. როდესაც ქალაქებს ბომბები დაეცა, როდესაც სამხედროებმა გააუპატიურეს ქალები ოკუპირებულ ტერიტორიებზე და სამწუხაროდ, ამის არა ერთი შემთხვევა გვაქვს, ძალიან რთულია საერთაშორისო კანონმდებლობის ეფექტურობაზე საუბარი, მაგრამ ეს არის ერთადერთი ცივილიზებული ბერკეტი ჩვენთვის, რათა დავრწმუნდეთ, რომ საბოლოოდ ვინც ჩაიდინა დანაშაული გასამართლდება. ვაფასებთ იმ ქვეყნებს, რომლებიც მხარს უჭერენ უკრაინას ამაში,” – აცხადებს დმიტრო კულება.
