უკრაინა აპირებს რუსი სამხედრო ტყვეებისთვის ტყვეთა ბანაკების აშენებას. შესაბამისი განცხადება უკრაინის პრეზიდენტის აპარატის უფროსის მრჩეველმა ოლექსი არესტოვიჩმა გააკეთა.
მისი თქმით, ბანაკი ჟენევის კონვენციის ყველა წესის შესაბამისად აშენდება და სამხედრო ტყვეებს ჰუმანურად მოეპყრობიან.
„ჩვენ უნდა ავაშენოთ რუსი სამხედრო ტყვეებისთვის ტყვეთა ბანაკები, რადგან ისინი ასეულობით არიან და ჩვენ არ ვიცით, რა ვქნათ. ეს ბანაკი ჟენევის კონვენციის ყველა წესის შესაბამისად აშენდება და სამხედრო ტყვეებს ჰუმანურად მოეპყრობიან,” – განაცხადა ოლექსი არესტოვიჩმა.
შეგახსენებთ, რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. საომარი მოქმედებების დაწყებიდან დღემდე დაბომბილია რამდენიმე სტრატეგიული და სამოქალაქო ობიექტი. არიან დაშავებული და გარდაცვლილები.