გაერო-ს ინფორმაციით, გასული 10 დღის განმავლობაში უკრაინა 1,5 მილიონზე მეტმა ადამიანმა დატოვა.
აღნიშნულის შესახებ ინფორმაციას ლტოლვილთა საკითხებში გაერო-ს უმაღლესი კომისარი ფილიპო გრანდი ავრცელებს.
„გასული 10 დღის განმავლობაში უკრაინიდან მეზობელ ქვეყნებში 1,5 მილიონზე მეტი ადამინი გადავიდა – ეს მეორე მსოფლიო ომის შემდეგ ევროპაში ყველაზე სწრაფად მზარდი ლტოლვილთა კრიზისია“, – ნათქვამია ფილიპო გრანდის მიერ „ტვიტერით“ გავრცელებულ ინფორმაციაში.
ამასთან, პოლონეთის სასაზღვრო სამსახურის მიერ გავრცელებული ინფორმაციით, უკრაინაში რუსეთის შეჭრის შემდეგ პოლონეთში უკრაინიდან 922,4 ათასი ადამინი გადავიდა.
More than 1.5 million refugees from Ukraine have crossed into neighbouring countries in 10 days — the fastest growing refugee crisis in Europe since World War II.
— Filippo Grandi (@FilippoGrandi) March 6, 2022