ლიეტუვის პრეზიდენტმა, გიტანას ნაუსედამ აშშ-ის სახელმწიფო მდივანი, ენტონი ბლინკენი გააფრთხილა, რომ უკრაინაში რუსეთის აგრესიის შეუჩერებლობა მსოფლიოს გლობალურ კონფლიქტამდე მიიყვანს.
ენტონი ბლინკენთან გამართულ შეხვედრაზე ლიეტუვის პრეზიდენტმა აღნიშნა, რომ რუსეთის პრეზიდენტი, ვლადიმერ პუტინი უკრაინაში არ გაჩერდება და რომ მსოფლიო ვალდებულია დაეხმაროს უკრაინელებს ყველანაირი საშუალებით.
„ვგულისხმობ ყველა საშუალებას, თუ ჩვენ გვინდა თავიდან ავიცილოთ მესამე მსოფლიო ომი. არჩევანი ჩვენს ხელშია“, – აღნიშნა გიტანას ნაუსედამ.
თავის მხრივ, ენტონი ბლინკენმა განაცხადა, რომ უკრაინაში რუსეთის შეჭრა ეჭვქვეშ აყენებს ძირითად პრინციპებს, რომელიც სახელმწიფოებს შორის მშვიდობის შესანარჩუნებლად არის შექმნილი.
კომენტარები