მართვის სტრატეგიული ინსტიტუტის ხელმძღვანელის პეტრე მამრაძის განცხადებთ, საქართველოს ყოფილი პრეზიდენტი მიხეილ სააკაშვილი ფსიქოპათია და ამის დამადასტურებელი ევროპის შვიდი ავტორიტეტული ფსიქიატრიული კლინიკის 2006 წელს გამოქვეყნებული დასკვნაც არსებობს.
მისივე თქმით, სააკაშვილს უკრაინის მოქალაქეობის ჩამორთმევა უფრო მეტად გააგიჟებს.
ამის შესახებ პეტრე მამრაძემ გაზეთ „ასავალ-დასავალთან“ ინტერვიუში განაცხადა.
„სააკაშვილის ისედაც არასტაბილურ ფსიქიკას, უკრაინის მოქალაქეობის ჩამორთმევის საფრთხე სულ გააგიჟებს, ანუ საფრთხე იმდენად რეალურია, რომ სააკაშვილი შეშფოთებს ვეღარ მალავს. ის, რომ სააკაშვილი ფსიქოპათია, მხოლოდ ჩემი მრავალწლიანი დაკვირვება არ არის, ასე წერია ევროპის შვიდი ავტორიტეტული ფსიქიატრიული კლინიკის 2006 წელს გამოქვეყნებულ დასკვნაში:
„ძლიერი პარანოიდალური აშლილობა, ისტერიულობა და ნარცისიზმის კომპლექსი…“
მე პირდაპირ გეტყვით, რაც ახლა სააკაშვილის თავში ხდება: იგი ნათლად ხედავს, პოროშენკო როგორ ართმევს მას მოქალაქეობას და როგორ ადებენ ხელბორკილებს თბილისის აეროპორტში,“ – აცხადებს პეტრე მამრაძე.