ნაძალადევის რაიონის გამგებელმა ირაკლი ანდღულაძემ ზღვისუბანში მცხოვრებ შუშანა ჩხვირკიას 105 წლის იუბილე და ქალთა საერთაშორისო დღე მიულოცა.
„დღეს ქალბატონ შუშანას 105 წლის იუბილე აქვს. ჩემთვის დიდი პატივია მისთვის დაბადების დღისა და 8 მარტის მილოცვა. ქალბატონ შუშანას და ყველა ქალს ვუსურვებ მშვიდობას, ჯანმრთელობასა და კეთილდღეობას. ჩვენ ბევრი ვისაუბრეთ უკრაინაში არსებული უმძიმესი მდგომარეობის შესახებ. დღეს მან ყველაზე მეტად მშვიდობა ისურვა და მე, რა თქმა უნდა, ვუერთდები მის უპირველეს სურვილს. მხნეობასა და გამძლეობას ვუსურვებ უკრაინაში მცხოვრებ გმირ ქალებს,“ – აღნიშნა ირაკლი ანდღულაძემ.
შუშანა ჩხვირკიას ორი შვილი და შვილიშვილები ჰყავს. ერთ-ერთი შვილი ამ დრომდე უკრაინაში, ხარკოვში ცხოვრობდა. იმ შემთხვევაში, თუ მისი შვილის ოჯახი საქართველოში ჩამოსვლას გადაწყვეტს, ნაძალადევის რაიონის გამგეობა და პირადად, გამგებელი ყველა მხრივ დაეხმარება.