ჩემს ზოგიერთ თანაკურსელს, მღვდელმთავრებს რუსეთში შეტყობინება გავუგზავნე, რომ თქვენ უნდა შეაჩეროთ ეს [ვლადიმერ პუტინი] ბოროტმოქმედი, უნდა შეაჩეროთ თქვენ და ამხილოთ, რადგან ის დაღუპავს რუსეთს, თუ უკვე არ დაღუპა. სამწუხაროდ არანაირი პასუხი მათგან არ არის, ეს მოსალოდნელიც იყო, – ამის შესახებ ბათუმისა და ლაზეთის მიტროპოლიტმა დიმიტრიმ ქადაგებისას განაცხადა.
„მე მაქვს თითქმის ყოველდღიური ურთიერთობა ჩემს უამრავ მეგობართან, კურსელთან, ახლობლებთან უკრაინაში და ყოველდღიურად ჩვენ თვალცრემლიანი ვემშვიდობებით ერთმანეთს. განადგურებულია ზოგიერთი ეპარქია და უამრავი ადამიანის სიცოცხლე შეეწირა ყოველივე ამას. რუსეთის პატრიარქზე ძალიან გულნატკენები არიან რუსეთის საპატრიარქოს დაქვემდებარებაში მყოფების ნაწილი, რომელმაც გარკვეულწილად გაამართლა და ამ ბოროტმოქმედებას, რომელიც უკრაინაში ხდება, უწოდა რუსეთის ინტერესების დაცვა“, – განაცხადა მეუფემ.