ევროკავშირის ლიდერები საფრანგეთში, ვერსალის სასახლეში, სამიტზე ჩადიან. სამიტზე განსახილველი საკითხი იქნება, როგორ შეამცირონ რუსულ ენერგიაზე დამოკიდებულება და ასევე როგორ გააძლიერონ უკრაინის პოლიტიკური და მორალური მხარდაჭერა. ამის შესახებ ინფორმაციას BBC ავრცელებს.
ევროკომისიის პრეზიდენტმა, ურსულა ფონ დერ ლაიენმა ჟურნალისტებს განუცხადა, რომ პუტინის ომი, გადამწყვეტი მომენტი იყო ევროპისთვის.
“ჩვენ უნდა გავთავისუფლდეთ რუსული საწვავის დამოკიდებულებისგან და ამისთვის გვჭირდება მასიური ინვესტიციები განახლებად ენერგიებში. ეს ასევე არის სტრატეგიული ინვესტიცია ჩვენს უსაფრთხოებასა და დამოუკიდებლობაში. ჩვენ ასევე განვიხილავთ უკრაინას, როგორც ჩვენი ევროპული ოჯახის ნაწილს. ჩვენ გვინდა თავისუფალი და დემოკრატიული უკრაინა, რომელთანაც საერთო ბედს გავიზიარებთ”, – განაცხადა ლაიენმა.