ოკუპანტებმა უკანონოდ აიყვანეს და უკვე მესამე დღეა დაკავებული ჰყავთ მაშველი ალექსეი დანჩენკო, რომელიც გოსტომელისა და კიევის რაიონში ხალხის ევაკუაციას ახდენდა.
დროებით ოკუპირებული ტერიტორიების რეინტეგრაციის მინისტრი, ირინა ვერეშუკმა ამის შესახებ ინფორმაცია დღეს, 13 მარტს ვიდეომიმართვაში გაავრცელა.
„მე კვლავაც ვამახვილებ ყურადღებას, რომ რუსეთმა გაათავისუფლოს ალექსეი დანჩენკო, რომელიც სამაშველო სამსახურის თანამშრომელია, ის ჰუმანიტარული დერეფნის თანმხლები იყო ბელოგოროდოკში. ახლა ის გოსტომელის ტერიტორიაზეა. ჩვენ ვითხოვთ დანჩენკოს გათავისუფლებას. ჩვენ შეთანხმებულები ვიყავით ამ დერეფანთან დაკავშირებით და ის თავის სამსახურს ასრულებდა“, – განაცხადა ვერეშუკმა.
როგორ მან განმარტა, დერეფნის თანმხლები პირების სია ორივე მხარეს შორის წინასწარ იყო შეთანხმებული. მან ხაზგასმით აღნიშნა, რომ „განმარტება თითქოს ის ტელეფონით საუბრობდა, არ მიიღება“.
მინისტრის თქმით, დანჩენკოს გასათავისუფლებლად უკრაინა ყველაფერს გააკეთებს.