რუსეთის მიერ უკრაინაში დაწყებულ ომს, სულ მცირე, 97 ბავშვის სიცოცხლე შეეწირა, 100-ზე მეტი დაშავდა.
ამის შესახებ ინფორმაციას უკრაინის გენერალური პროკურორის ოფისი ავრცელებს.
აღინიშნება, რომ “ყველაზე მეტი დაშავებული ბავშვია კიევის, ხარკოვის, დონეცკის, ჩერნიგოვის, სუმის, ხერსონის, ნიკოლაევისა და ჟიტომირის რაიონებში. ყოველდღიურად, სულ მცირე, 5 ბავშვი იღუპება“.
რამდენიმე დღის წინ გაერო-ს ადამიანის უფლებათა უმაღლესი კომისრის ოფისმა გაავრცელა ინფორმაცია, რომ უკრაინაში ადამიანების უმეტესობა მძიმე არტილერიისა და მრავალჯერადი ზალპური ცეცხლის რეაქტიული სისტემების, ასევე, სარაკეტო და საჰაერო დარტყმების შედეგად იღუპება.
კომენტარები