კიევში, დარნიცკის რაიონში ჩამოგდებული რაკეტების ნამსხვრევები მრავალსართულიან საცხოვრებელ კორპუსს მოხვდა, დაიღუპა სულ მცირე ერთი ადამიანი, დაშავდა სამი, – ამის შესახებ ინფორმაციას უკრაინის საგანგებო სიტუაციების სამსახური ავრცელებს.
მათივე ცნობით, ინციდენტი კიევის დროით 05:00 საათზე მოხდა. შედეგად კორპუსის მეთექვსმეტე სართულზე გაჩნდა ხანძარი და დაზიანდა რამდენიმე ბინა. ამჟამად შენობიდან მოქალაქეთა ევაკუაცია მიმდინარეობს. ადგილზე მუშაობენ მეხანძრეები და მაშველები.
კომენტარები