არის საკითხები, რომლებზეც უკრაინა პუტინთან მოლაპარაკებებში დათმობაზე ვერ წავა, – ამის შესახებ „სიენენისთვის“ მიცემულ ინტერვიუში უკრაინის პრეზიდენტმა განაცხადა. ვოლოდიმირ ზელენსკის თქმით, ის ქვეყნის სუვერენიტეტსა და ტერიტორიულ მთლიანობასთან დაკავშირებით კომპრომისს არ დაუშვებს.
„ჩვენს ტერიტორიულ მთლიანობასთან და სუვერენიტეტთან დაკავშირებით ნებისმიერი კომპრომისი დაუშვებელია. უკრაინელმა ხალხმა ეს აჩვენა. ისინი არ მიეგებნენ რუს ჯარისკაცებს ყვავილებით. ისინი მტერს, მამაცურად ხელში იარაღით შეხვდნენ.
მე მზად ვარ პუტინთან მოლაპარაკებისთვის, მაგრამ თუ მოლაპარაკების მცდელობა წარუმატებელი იქნება, ეს შეიძლება ნიშნავდეს იმას, რომ ორ ქვეყანას შორის ბრძოლა მესამე მსოფლიო ომამდე მიგვიყვანს“, – განაცხადა ვოლოდიმირ ზელენსკიმ.
კომენტარები