„გირჩის“ წევრის ალექსანდრე რაქვიაშვილის განმარტებით, მიხეილ სააკაშვილის ირგვლივ თავად ვერ გაერთიანდება, თუმცა რაიმე იდეის ირგვლივ ერთიანობა შესაძლებელია.
„თუ ჩვენ ვსაუბრობთ ხელისუფლების ცვლილებაზე, მოდი, ჯერ დავიწყოთ საუბარი იმით, რის ირგვლივ უნდა გაერთიანდეს ოპოზიცია, მიშას ირგვლივ უნდა გაერთიანდეს, თუ რაიმე იდეის ირგვლივ? მიშას ირგვლივ მე ვერ გავერთიანდები, მაგრამ თუ იდეების ირგვლივ იქნება ერთიანობა, რატომაც არა, მაგრამ ამაზე საუბარი არც კი მიდის, არც კი ყოფილა მცდელობა. მე არ მგონია, რამე გამოვიდეს ამ ინიციატივისგან.
მართალი გითხრათ, უკრაინის ომის პირობებში მე საერთოდ დამავიწყდა მიხეილ სააკაშვილის თემა. არამგონია, რამე წნეხს ვგრძნობდე მიხეილ სააკაშვილის მხრიდან. თავისთავად პრობლემაა, რომ იმის ნაცვლად, ჩვენ მართლა პრობლემებზე ვილაპარაკოთ, რუსეთისგან მომავალი რისკები გვაქვს, ამ თემებზე საუბრის ნაცვლად ისევ მის სიტყვებზე და პერსონაზე დადის საუბარი, რაც არ არის კარგი“, – განაცხადა ალექსანდრე რაქვიაშვილმა.