“დღის დევიზი: წადი სამსახურში, დაეხმარე ფრონტს, დაეხმარე უკრაინას” – ასე მიმართა უკრაინელებს პრეზიდენტის მრჩეველმა ოლექსეი არესტოვიჩმა. ხელისუფლება ხალხს მოუწოდებს, დაუბრუნდნენ ნორმალურ ცხოვრებას, იქ, სადაც ეს უსაფრთხოა.
“ჩვენ მოვუწოდებთ ყველას, დაუბრუნდნენ ნორმალურ ცხოვრებას, ან ნორმალურთან მიახლოებულს, სადაც ეს შესაძლებელია. მტრისგან გათავისუფლებულ რაიონებში, სადაც უშუალო საფრთხე არ არსებობს. ეკონომიკის აღდგენა გადამწყვეტია ნორმალური სოციალური და პოლიტიკური ცხოვრების აღსადგენად. და თუნდაც ფსიქიკისთვის – ჩემივე სახელით, შემიძლია დავამატო, რომ სამსახურში წასვლასთან დაკავშირებულ ყოველდღიურ რუტინაში დაბრუნება ძალიან სასარგებლოა სიმშვიდისა ჯანმრთელობისთვის,ასევე, მშვიდობისა და ჰარმონიისთვის ჩვენს ქალაქებში“,- განაცხადა არესტოვიჩმა.
კომენტარები