პიანისტ ალექსანდრე (ლექსო) თორაძეს თბილისში, მწერალთა და საზოგადო მოღვაწეთა დიდუბის პანთეონში დღეს დაკრძალავენ.
კულტურის სამინისტროს ინფორმაციით, ლექსო თორაძეს დღეს, 15:00 საათზე, კონსერვატორიის დიდი დარბაზის ფოიედან გამოასვენებენ.
ცნობილი პიანისტი ალექსანდრე თორაძე 11 მაისს გარდაიცვალა. ლექსო თორაძე აღიარებული იყო თანამედროვეობის ერთ-ერთ ვირტუოზ პიანისტად. მუსიკოსის საშემსრულებლო რეპერტუარი მოიცავდა სხვადასხვა კლასიკური ჟანრის ნაწარმოებებს. მან აღიარება მოიპოვა მოცარტის, ლისტის, პროკოფიევის, რახმანინოვის, სტრავინსკის, ჩაიკოვსკის და სხვა კომპოზიტორების ნაწარმოებთა უბადლო შესრულებით.
კომენტარები