თამთა თოდაძის საქმეზე თბილისის საქალაქო სასამართლოს მოსამართლემ გადაწყვეტილება გამოაცხადა. ლია ორკოდაშვილმა ამ საქმეში ბრალდებული, საკრებულოს ყოფილი დეპუტატი ილია ჯიშკარიანი წარდგენილ ბრალდებებში გაამართლა.
საუბარია დაზარალებული თამთა თოდაძის ცემასა და სექსუალური ხასიათის სხვაგვარ ქმედებაზე.
მოსამართლის გადაწყვეტილებით, გაუქმდა ჯიშკარიანის მიმართ გამოყენებული აღკვეთი ღონისძიება გირაო და ყადაღა.
შეგახსენებთ, ისნის რაიონის საკრებულოს მაჟორიტარ დეპუტატ ილია ჯიშკარიანს, 2019 წლის 30 სექტემბერს, მისივე თანამშრომლის, თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ძალადობის ფაქტზე წარედგინა ბრალდება.
ჯიშკარიანს აღკვეთის ღონისძიების სახით 10 000-ლარიანი გირაო ჰქონდა შეფარდებული.
კომენტარები