საქართველოს პრეზიდენტი სალომე ზურაბიშვილი ტეხასის დაწყებით სკოლაში მომხდარ მასობრივ სროლას ეხმაურება და ამერიკელ ხალხს თანაგრძნობას უცხადებს. შესაბამის განცხადებას პრეზიდენტი სოციალურ ქსელ Twitter-ში ავრცელებს.
„საშინელი ტრაგედია ტეხასში. ბავშვების უაზრო, სასტიკი მკვლელობა.
ასეთი ძალადობის შესახებ სიტყვების მოძიება რთულია. ჩემი სამძიმარი მსხვერპლთა ოჯახებს, უვალდის საზოგადოებას და ამერიკელ ხალხს“, – წერს სალომე ზურაბიშვილი.
ცნობისთვის, ტეხასის ერთ-ერთ სკოლაში თავდასხმას 21 ადამიანი ემსხვერპლა, მათ შორის დაღუპულია 19 ბავშვი და ორი ზრდასრული ადამიანი. თავდამსხმელი 18 წლის სალვადორ რამოსი, რომელიც პოლიციელის მიერ გახსნილ ცეცხლს ემსხვერპლა.
კომენტარები