“ენა დაიმოკლოს, სანამ თელაველები კარგად ვლაპარაკობთ… ერეკლე პაპას იმ ომშიც შესწევდა ძალა, თეატრი დაეარსებინა” – აქცია თელავში და პაატა გულიაშვილის მიმართვა
“დიდება მეფეს! ერეკლე ჩვენი სიამაყეა!” – პროტესტით უპასუხეს თელაველებმა “რესპუბლიკური” პარტიის დამფუძნებლის ლევან ბერძენიშვილის განცხადებას, სადაც მან ერეკლე მეფეს მოღალატე უწოდა.
ერეკლე მეორის სახელის დასაცავად მეფის ძეგლის მიმდებარედ სამოქალაქო საზოგადოება, ცნობილი სახეები, მსახიობები და საჯარო მოხელეები შეიკრიბნენ. მათ პოლიტიკოსს მოუწოდეს, თავი შეიკავოს მსგავსი განცხადებებისგან, რადგან მეფის სახელის შეურაცხყოფას არ შეეგუებიან.
“იმდენი თელავური აზრი მომდის, მაგრამ შევეცდები რბილად ვთქვა ყველაფერი. ჩემი შეგნებული ცხოვრება შევწირე იმ საქმეს, რასაც თეატრალური ხელოვნება ჰქვია. ერეკლე პაპას, იმ ომების გვერდით, კიდევ იმისი ძალა შესწევდა, რომ ეს თეატრი დაეარსებინა.
ჩვენ თეატრალები ყოველი გასვლის წინ მეფეს ვპირდებით, რომ ყველაფერი იქნება კარგად… ენა უნდა დაიმოკლოს (ლევან ბერძენიშვილმა) სანამ მეფეს ახსენებს, ჭკვიანად იყვნენ, სანამ თელაველები კარგად ვლაპარაკობთ. არ გაბედონ და ამ ვიგინდარებმა ასეთი სიტყვები არ წარმოსთქვან”, – თქვა აქციაზე თელავის თეატრის დირექტორმა პაატა გულიაშვილმა.
ადგილობრივების გარდა, მეფის მხარდაჭერა გამოხატეს სხვადასხვა რეგიონებიდ ჩამოსულებმა. აქციაზე ასევე დააანონსეს, რომ შაბათს მცხეთის სვეტიცხოვლის ტაძარში, სადაც ერეკლე || -ა დაკრძალული სულის მოსახსენებელ პარაკლისს გადაიხდიან.